செங்கல்பட்டில் மாற்றுத்திறன் குழந்தைகள் விளையாட்டு போட்டி..
செங்கை ஷங்கர், செங்கல்பட்டு.
செங்கல்பட்டு மாவட்டம் காட்டாங்கொளத்தூர் ஒன்றியத்திற்கு உட்பட்ட மாற்றுத்திறன் கொண்ட குழந்தைகளுக்கான விளையாட்டுப் போட்டிகள் தூய கொலம்பா மேல் நிலைப் பள்ளி வளாகத்தில் நடைபெற்றது.
இப் போட்டிகளை கொலம்பஸ் மேல் நிலைப் பள்ளி தலைமை ஆசிரியர் பெட்ரிக் பிரான்சிஸ் துவக்கி வைத்தார்.
மாவட்ட திட்ட ஒருங்கிணைப்பாளர் சரவணன் தலைமையில் வட்டார வள மைய மேற்பார்வையாளர் தேவேந்திரன் ஒருங்கிணைப்பில் வட்டார வளமைய ஆசிரியர் பயிற்றுநர் விஜயலட்சுமி முன்னிலையில் நடைபெற்றது.
இப்போட்டியில் கலந்துகொண்ட மாணவர்கள் அனைவருக்கும் பரிசுகள் மற்றும் சான்றிதழ்களும் வழங்கப்பட்டது.
இந்நிகழ்வில் வட்டார வள மைய சிறப்பு பயிற்றுநர்கள் மணிமேகலை, பஞ்சாட்சரம், ஜாய்சங்கீதா சுபா,கீதா, காஞ்சனா, பிரான்சிஸ் சேவியர், இயன்முறை மருத்துவர் ஜெயசந்திரன் மற்றும் மாற்றுத் திறனாளி மாணவர்களின் பெற்றோர்கள் உள்பட பலர் கலந்து கொண்டனர்.
