டோல்கேட் வீட்டின் முன்பு நின்ற மோட்டார் பைக் மாயம்.

திருச்சி மாவட்டம் சமயபுரம் அருகே பிச்சாண்டார் கோயில் ஊராட்சி நம்பர் 1 டோல்கேட்டில் உள்ள பழனியப்பா நகரில் வீட்டின் முன்பு நிறுத்தி இருந்த மோட்டார் பைக்கை மர்ம நபர்கள் திருடச் சென்றனர்.

பிச்சாண்டார்கோயில் ஊராட்சியில் உள்ள பழனியப்பா நகரை சேர்ந்தவர் 47 வயதான ஜெயக்குமார். இவர் தனது மோட்டார் பைக்கை கடந்த 17 இரவு 9 மணி அளவில் நிறுத்திவிட்டு வீட்டில் இருந்துள்ளார். பின்னர் 10 மணி அளவில் வந்து பார்த்தபோது மோட்டார் பைக் மாயமாகி இருந்தது.

இது குறித்து கொள்ளிடம் காவல் நிலையத்தில் புகார் கொடுத்தார். புகாரின் பேரில் வழக்கு பதிவு செய்த கொள்ளிடம் போலீசார் சம்பவ இடத்திற்கு வந்து அப்பகுதியில் உள்ள சிசிடிவி காட்சிகளை ஆய்வு செய்து வருகின்றனர் .மேலும் மோட்டார் பைக்கை திருடிச் சென்ற மர்ம நபர்களை வலைவீசி தேடி வருகின்றனர்.