தீயை உடனடியாக தீயணைப்பு துறையினர் அணைத்ததால் பெரும் விபத்து தவிர்க்கப்பட்டது.

தஞ்சை கீழவாசல் கடைகள் நெருக்கம் உள்ள பகுதியில் அடுத்தடுத்து இரு வேறு இடங்களில் ஏற்பட்ட தீயை உடனடியாக தீயணைப்பு துறையினர் அணைத்ததால் பெரும் விபத்து தவிர்க்கப்பட்டது.

தஞ்சை கீழவாசல் தனியாருக்கு சொந்தமான குப்பை கிடங்கு உள்ளது.

பாத்திரக் கடைகள். ஜவுளிக்கடைகள், இரும்புக் கடைகள் உள்ள மக்கள் நடமாட்டம் அதிகமான இடத்திற்கு மத்தியில் குப்பை கிடங்கில் திடீரென தீ விபத்து ஏற்பட்டது.

அதே போல் அகழியில் கொட்டப்பட்டு இருந்த குப்பைகளும் தீ பற்றி எரிய தொடங்கியது.

தீ கரும்புகையாக பல அடி உயரத்திற்கு கிளம்பியது.

ஒரே பகுதியில் அடுத்தடுத்து இரு வேறு இடங்களில் ஏற்பட்ட தீ விபத்து குறித்து தகவல் அறிந்து வந்த தீயணைப்பு துறையினர் தீயை அணைத்தனர்.

உடனடியாக தீ அணைக்கப்பட்டதால் அருகில் உள்ள கடைகளுக்கு தீ பரவாமல் கட்டுப்படுத்தப்பட்டன.