தூத்துக்குடி பழையகாயல் காட்டுப்பகுதியில் பணம் வைத்து சூதாடிய கும்பலை போலீசார் கைது செய்துள்ளனர்.

தூத்துக்குடி மாவட்டம் பழையகாயல் காட்டுப்பகுதியில் பணம் வைத்து சூதாடிய கும்பலை போலீசார் கைது செய்துள்ளனர். ஆத்தூர் காவல் நிலைய உதவி ஆய்வாளர் ராமகிருஷ்ணன் மற்றும் போலீசார் பழையகாயல் பகுதியில் ரோந்து சென்ற போது,

சிர்போனியம் குடியிருப்பு அருகே உள்ள காட்டுப் பகுதியில் ஒரு கும்பல் பணம் வைத்து சீட்டு விளையாடி கொண்டிருப்பதை கண்டுபிடித்தனர். அந்த கும்பலை பிடித்து விசாரித்ததில் அவர்கள் பழையகாயல் கணேஷ் நகர் ஞானமுத்து மகன் வைணவ பெருமாள் (வயது 49), புல்லாவெளி ஐய்யம்பெருமாள் மகன் ஜெய்சங்கர் (வயது 45),

கோவங்காடு ஜெபமணி மகன் பிரான்சிஸ் (வயது 52), ஆவுடையப்பன் மகன் சுப்பிரமணியன் (வயது 70), பழையகாயல் பரிபூரண நகர் பிளாஸ்டர் மகன் வினோத் (வயது 41) என தெரியவந்துள்ளது. இதனையடுத்து அவர்களை கைது செய்த போலீசார், அவர்களிடமிருந்து ரூபாய் 3500 ரொக்கப்பணத்தையும், சீட்டுகளையும் பறிமுதல் செய்துள்ளனர்.