தேனியில் ரயில்வே தண்டவாளத்தை கடக்க முயன்ற பெண் ரயில் மோதி பலி. ரயில்வே போலீசார் விசாரணை.

 

தேனி மாவட்டம் ஆண்டிபட்டி அருகே உள்ள கணேசபுரம் கிராமத்தைச் சேர்ந்த கன்னிச்சாமி மனைவி லட்சுமி (45). இவர் தேனி அண்ணா நகரில் உள்ள தனது உறவினர் இல்லத்திற்கு இன்று வந்தவர், மதுரை சாலையில் உள்ள ரயில்வே தண்டவாளத்தை கடக்க முயன்றபோது மதுரையில் இருந்து போடிநாயக்கனூருக்கு சோதனைக்காக வந்த ரயில் மோதி கண் இமைக்கும் நேரத்தில் தூக்கி வீசப்பட்ட லட்சுமி உயிரிழந்தார்.

 

 

 தகவல் அறிந்து வந்த லட்சுமியின் உறவினர்கள் மற்றும் குடும்பத்தினர் அவரது உடலை பார்த்து கதறி அழுதனர்.‌ விபத்து குறித்து தேனி நகர் காவல்துறையினர் மற்றும் ரயில்வே போலீசார் சம்பவ இடத்தை ஆய்வு செய்து விசாரணை நடத்தி வருகின்றனர்.‌ மேலும் சடலத்தை கைப்பற்றி உடற்கூறாய்விற்காக தேனி அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டது.

 

 

தண்டவாளத்தை கடக்க முயன்ற பெண் ரயில் மோதி பலியான சம்பவம் அப்பகுதியில் பெறும் சோகத்தை ஏற்படுத்தியுள்ளது.

தேனி செய்தியாளர் சதிஸன்.