பள்ளி கல்வி துறை சார்பில் பேரறிஞர் அண்ணா விளையாட்டு மைதானத்தில் நடத்தப்படும் மாநில அளவில் நீச்சல் போட்டியை மாவட்ட ஆட்சியர் ஆர்த்திதுவக்கி வைத்தார்.
தமிழ்நாடு மாநில அளவிலான பாரதியார் தின / குடியரசு தின புதிய விளையாட்டுப் போட்டிகளான நீச்சல், வளைப்பந்து, ஜுடோ போட்டிகள் காஞ்சிபுரம் மாவட்டத்தில் இன்று முதல் 06.02.2023 வரை நடைபெறவுள்ளது.
இன்று பேரறிஞர் அண்ணா விளையாட்டு மைதானத்தில் நீச்சல் விளையாட்டு போட்டியினை காஞ்சிபுரம் சட்டமன்ற உறுப்பினர் சி.வி.எம்.பி.எழிலரசன் மற்றும் காஞ்சிபுரம் மாவட்ட ஆட்சியர் மா.ஆர்த்தி ஆகியோர் குத்துவிளக்கு ஏற்றி, கொடியசைத்து போட்டியினை தொடங்கி வைத்தார்கள்.
இப்போட்டிகளில் தமிழகத்திலுள்ள அனைத்து மாவட்டங்களிலும் நீச்சல் போட்டி, ஜுடோ போட்டி, வளைப்பந்து போட்டிகலில் முதலிடங்களை பெற்ற 2818 மாணவர்களும் 1928 மாணவியர்களும் என 4746 பேர் கலந்துகொள்கின்றனர். இப்போட்டிகள் கீழ்கண்டவாறு நடைபெறவுள்ளது.
அதில் நீச்சல் போட்டி காஞ்சிபுரம் பேரறிஞர் அண்ணா மாவட்ட விளையாட்டு அரங்கத்தில், மாணவர்கள் 1648, மாணவியர்கள் 881 மொத்தம் 2529 விளையாட்டு வீரர்களும் கலந்து கொள்கின்றனர்.
இந்நிகழ்ச்சியில் காஞ்சிபுரம் மாநகராட்சி மேயர் மகாலட்சுமி யுவராஜ், முதன்மைக் கல்வி அலுவலர் (பொ) திரு.த.இராமன், மாவட்ட உடற்கல்வி ஆய்வாளர் கே.முத்துவேல், அரசு அலுவலர்கள் மற்றும் மாணவ,மாணவியர்கள் ஆகியோர் கலந்து கொண்டனர்.
