புரட்சி பாரதம் கட்சித் தலைவர் ஜெகன் மூர்த்தி பிறந்தநாள் விழா சோளிங்கரில் நடந்தது.

புரட்சி பாரதம் கட்சி தலைவரும் கேவி குப்பம் சட்டமன்ற உறுப்பினருமான ஜெகன் மூர்த்தி பிறந்தநாள் விழா ராணிப்பேட்டை மாவட்டம் சோளிங்கரில் நடைபெற்றது.

இந்நிகழ்ச்சிக்கு சோளிங்கர் ஒன்றிய தலைவர் சுந்தர் தலைமை தாங்கினார். ஒன்றிய செயலாளர் சரவணன், துணைச் செயலாளர் பஞ்சாட்சரம் முன்னிலை வகித்தனர். இளைஞர் அணி தலைவர் அன்பு அனைவரையும் வரவேற்றார்.

சிறப்பு அழைப்பாளராக மாவட்ட பொருளாளர் ஆறுமுகம் கலந்து கொண்டு அம்பேத்கர் சிலைக்கு மாலை அணிவித்து மரியாதை செலுத்தினார். தொடர்ந்து பொதுமக்களுக்கு இனிப்புகள் வழங்கி ஜெகன் மூர்த்தி பிறந்தநாள் விழா சிறப்பாக கொண்டாடப்பட்டது. இதில் சோளிங்கர் நகர பொருளாளர் சசி காவேரிப்பாக்கம் ஒன்றிய பொருளாளர் முருகன் உட்பட பலர் கலந்து கொண்டனர்.