மியாபுதுக்குளம் பகுதியில் குடிநீர் வசதி கொண்ட ரூபாய் 60 ஆயிரம் மதிப்பிலான மின்மோட்டார், உயர்தர பைப்புகள் கொள்ளை. போலீசார் விசாரணை.

நெல்லை செய்தியாளர் மணிகண்டன்.

 

நெல்லை மாவட்டம் பணகுடி பேரூராட்சிக்கு உட்பட்ட குடியிருப்பு பகுதிகளுக்கு நிலத்தடி நீர் ஆதாரம் கொண்ட இடங்களில் ஆழ்குழாய், பைப்லைன்கள் அமைத்து குடிநீர் விநியோகம் செய்யப்பட்டு வருகிறது.

பணகுடி பேரூராட்சியின் ஒரு பகுதியின் அங்கமாக இருந்து வரும் அழகிய நம்பிபுரத்தில் மியாபுதுக்குளம் பகுதியில் ஆழ்குழாய் உட்பட பைப் லைன்கள் அமைக்கப்பட்டு பலதரப்பு இடங்களுக்கு குடிநீர் விநியோகம் செய்யப்படுகிறது.

 

 

ஆழ்குழாய், பைப்லைன்கள் வாயிலாக குடிநீர் விநியோகம் மேற்கொள்ளாத நிலை உருவானது இதனை ஆய்வு செய்தபோது ரூபாய் 60 ஆயிரம் மதிப்பிலான மின்மோட்டார், பைப்லைன் அறுக்கப்பட்டு கொள்ளையடித்து சென்ற சம்பவம் பாதிக்கப்பட்ட பொதுமக்களின் கவனத்திற்கு வந்தது.

இது குறித்து பணகுடி காவல் துறையில் புகார் செய்ததன் அடிப்படையில் விசாரணை நடத்தப்பட்டு வருகிறது.