வண்டறந்தாங்கலில் அம்பேத்கர் பிறந்த நாளை முன்னிட்டு நலத்திட்ட உதவிகள் வழங்கல்!
காட்பாடி அடுத்த வேலூர் மாவட்டம் காட்பாடி தாலுகா, வண்டறந்தாங்கலில் டாக்டர் பி. ஆர். அம்பேத்கரின் 132 வது பிறந்த நாளை முன்னிட்டு நலத்திட்ட உதவிகள் வழங்கும் விழா நேற்று நடந்தது.
வேலூர் மாவட்டம், காட்பாடி அடுத்த வண்டறந்தாங்கலில் டாக்டர் பி. ஆர். அம்பேத்கரின் 132 வது பிறந்தநாள் விழா நேற்று கோலாகலமாக கொண்டாடப்பட்டது. சித்ரா விஸ்வநாதன் மற்றும் ரஞ்சித் குமார் ஆகியோரது சீறிய ஏற்பாட்டின் கீழ் இந்த நலத்திட்ட உதவிகள் வழங்கும் விழா நடைபெற்றது.
பள்ளியில் பயிலும் மாணவ, மாணவிகளுக்கு ஜியோமென்ட்ரி பாக்ஸ் மற்றும் ஏழை, எளிய இல்லத்தரசிகளுக்கு சேலைகள் மற்றும் இனிப்புகள், பிரியாணி பொட்டலங்கள் 500 நபர்களுக்கு விநியோகம் செய்யப்பட்டன.
இந்த நலத்திட்ட உதவிகள் வழங்கும் விழாவில் சிறப்பு அழைப்பாளர்களாக தொழிலதிபரும் அதிமுக பிரமுகருமான அப்பு பால் பாலாஜி, அதிமுக ஓபிஎஸ் அணி மாவட்ட செயலாளர் டி ஆர் முரளி கலந்து கொண்டனர்.
விழாவில் ராஜ், பாலாஜி, சுந்தர், விமல், ஏழுமலை, சரவணன், ஜாக், கார்த்திக், ஷாகிதீன் மற்றும் இளைஞர்கள், பொதுமக்கள் திரளாக கலந்து கொண்டனர். இந்த விழாவிற்கான அனைத்து ஏற்பாடுகளையும் சித்ரா விஸ்வநாதன் மற்றும் ரஞ்சித் குமார் விமரிசையாக செய்திருந்தனர் என்பது குறிப்பிடத்தக்கது.
