சோளிங்கர் நகர பாஜக சார்பில் பிரதமர் மோடியின் மனதின் குரல் நிகழ்ச்சியை மக்கள் தெரிந்து கொள்ளும் வகையில் நிகழ்ச்சி ஏற்பாடு.

கடந்த 2014-ம் ஆண்டு அக்டோபர் மாதம் முதல் மனதின் குரல் என்ற பெயரில் ஒவ்வொரு மாதத்தின் கடைசி ஞாயிற்றுக்கிழமையும் அகில இந்திய வானொலி மூலம் பிரதமர் நரேந்திர மோடி நாட்டு மக்களுடன் உரையாற்றி வருகிறார்.

இந்நிலையில், பிரதமர் மோடியின் 100-வது மனதின் குரல் நிகழ்ச்சியில் பிரதமர் மோடி இந்தியில் உரையாற்றினார். அது, 63 மொழிகளில் மொழிபெயர்க்கப்பட்டு, நாடு முழுவதும் ஒலிபரப்பு செய்யப்பட்டது. அதன்படி ராணிப்பேட்டை மாவட்டம் சோளிங்கர் நகர பாஜக சார்பில் பிரதமர் மோடியின் மனதின் குரல் நிகழ்ச்சியை மக்கள் தெரிந்து கொள்ளும் வகையில் நிகழ்ச்சி ஏற்பாடு செய்யப்பட்டிருந்தது.

 

 

இந்நிகழ்ச்சிக்கு மத்திய அரசு நலத்திட்ட பிரிவு வேலு தலைமை தாங்கினார்‌. வழக்கறிஞர்கள் சீனிவாசன், வினோத்குமார் முன்னிலை வகித்தனர். பிரச்சார பிரிவு சீனிவாசன் வரவேற்றார். மாவட்டத்தலைவர் விஜயன், நகர தலைவர் சேகர் ஆகியோர் நிகழ்ச்சியில் கலந்து கொண்டு பாஜக கொடியேற்றி வைத்து இனிப்புகள் வழங்கி பேசினார்கள்.

 

 

இதில் மகளிர் அணி கோமதி சீனிவாசன், சோனியா, சுமங்கலி, யோகேஸ்வரி, லதா, பெருமாள், நடராஜன், முத்து, ஆதி, கார்த்தி, இளைஞரணி விக்னேஷ், சத்தியமூர்த்தி, தயாளன், சசிதரூர் உட்பட பலர் கலந்து கொண்டனர். நிகழ்ச்சியின் நிறைவாக பொதுமக்களுக்கு அன்னதானம் வழங்கப்பட்டது.