தரங்கம்பாடி பகுதியில் பள்ளிவாசல்களில் ரமலான் சிறப்பு தொழுகை.
மயிலாடுதுறை மாவட்டம், தரங்கம்பாடி பகுதியில் உள்ள பள்ளிவாசல்களில் ரமலான் திருநாளை முன்னிட்டு இஸ்லாமியர்கள் சிறப்பு தொகுதியில் ஈடுபட்டனர்.
ஆயப்பாடி ஜாமிஆ மஸ்ஜித் பள்ளிவாசலில் இமாம் ஜமாலுதீன் பாக்கவி தலைமையில் ரமலான் திருநாளை முன்னிட்டு ஏராளமான இஸ்லாமியர்கள் நோம்பு இருந்து தொழுகையில் ஈடுபட்டனர். புத்தாடைகள் அணிந்து சிறப்பு தொழுகையில் பங்கேற்ற இஸ்லாமியர்கள் ஒருவருக்கு ஒருவர் கட்டித் தழுவி ரமலான் வாழ்த்துகளை பரிமாறிக் கொண்டனர்.
திமுக ஒன்றிய செயலாளர் அப்துல் மாலிக், முத்தவல்லி பஷீர் அகமது, செயலாளர் நூருல்லா, பொருளாளர் ரகுமான், திமுக சிறுபான்மை அணி துணை அமைப்பாளர் முசாதிக் மற்றும் ஜமாத்தார்கள் உள்ளிட்ட ஏராளமான இஸ்லாமியர்கள் சிறப்பு தொழுகையில் கலந்து கொண்டனர்.
இதேபோல் தரங்கம்பாடி, திருக்களாச்சேரி, சங்கரன்பந்தல், வடகரை உள்ளிட்ட பள்ளிவாசல்களில் ஏராளமான இஸ்லாமியர்கள் கலந்து கொண்டு ரமலான் சிறப்பு தொழுகையில் ஈடுபட்டனர்.
