`நாங்கள் கொண்டு வந்த திட்டங்களை செயல்படுத்தவும்’- தமிழக அரசுக்கு எதிராக ஆர்ப்பாட்டத்தில் முழங்கிய அதிமுகவினர்!

அதிமுக ஆட்சியில் கொண்டுவரப்பட்ட திட்டங்களான தாலிக்குத் தங்கம் திட்டம், மாணவர்களுக்கு மடிக்கணினி வழங்கும் திட்டம், மகளிருக்கு இருசக்கர வாகனங்கள் வழங்கும் திட்டம் போன்றவற்றைத் தொடர்ந்து செயல்படுத்தப்பட வேண்டும். திமுக தேர்தல் அறிக்கையில் குறிப்பிடப்பட்ட வாக்குறுதிகளை நிறைவேற்ற வேண்டும். சிலிண்டர், பெட்ரோல், டீசல் விலை உயர்வைக் கட்டுப்படுத்த வேண்டும் என ஆர்ப்பாட்டத்தில் ஈடுபட்டு வருகிறார்கள்.

அதிமுகவில் ஒற்றைத் தலைமையாக எடப்பாடி பழனிசாமி தற்காலிக பொதுச் செயலாளராக தேர்ந்தெடுக்கப்பட்டுள்ளார். இந்நிலையில், எடப்பாடி பழனிசாமிக்கு அதிமுகவில் தனது பலத்தை நிரூபிக்க வேண்டிய கட்டாயமும், திமுகவைக் கடுமையான எதிர்க்க வேண்டிய சூழலும் இருந்து வருகிறது. இதன் காரணமாகத் தொண்டர்களை அணிதிரட்டும் வகையில் அதிமுகவினர் அடுத்தடுத்து ஆர்ப்பாட்டங்களை நடத்த இருக்கிறார்கள்.